وم
1 به یه ن

 

 

بهمن آی نین 24-ده ایران ین برتر لیگی ‌نین 20-جی هفته  چرچیوه‌سینده(چهارچوبوندا) “تیراختور" تیمی قومون  "یادگار امام استادیوم"وندا بو شهرین "صبا "تیمینین قوناغی اولوب.یام نیوز خبر وئریر کی، اوْیون 2:3 حسابی ایله تیراختورون نفع ینه باشا چاتیب.

 “تیراختور"تیمی بو هفته گؤزلنیلمه دن(بدون انتظار) یئرلی (بومی)مربی سی رسول خطیبی نین ایخراجیندان سونرا حاشیه لی بیر هفته ده بو اویونا آیاق قویدو،بو اویوندا تیراختورون  ایلک(اول) قولون23-جی دقیقه‌ده سامان نریمان جهان و ایکینجی قولون 33-جی دقیقه ده لوسیانو ائدینهو پنالتی نقطه سیندن و اوچونجو قولون دا 67 جی دقیقه ده آندریاک تئیموریان  وۇروب."صبای قوم " تیم نین قول لارینین هر ایکی سینده حسین بادامکی 60و 68 –جی  دقیقه لرده ووروب.

بو اوتماق ایله تیراختور 35 امتیاز ایله جدول ین 4-نجی سیراسیندا یئرلشیب.

تیراختور-صبا اویونون حاشیه لری:

تیراختورون قومدا قوناق اولماسینا باخمایاراق بو تیم ین یانچی (تاماشه چی)لاری قوناق تیم دن قات قات (دفه دفه)چوخ ایدی،تیراختور یانچی لاری بو تیم ین مدیر عامل ین رسول خطیبی نی ایخراج ائتمه سینده قینییاراق (محکوم ائده رک)اویونون بیرینجی یاری سینین آخریندا 2-0 نتیجه یه باخمایاراق اونون علیه نه شعار وئریبلر.رسول خطیبی نین یئرینه گلن تونی اولیویرا اؤزل یانچی لار (مخصوص کومک لری نه)مخصوص اولان یئردن اویونا باخیردی بو مربی بو گون ایرانا گلیب .تیراختورون قاپچی سی(گولری) عیسی اندو بو گوندا چوخلو بارالار(ایشتیباهلار)وئردی.قوم دا تیراختور یانچی لاری نین آذربایجان وار اولسون ایستمیین کور اولسون ،یاشاسین آذربایجان شعارلاری تیلویزیوندان آیدینجا یاییلیردی.