ساراب یوردی غیرت یوردی
سارابدان چوخ کیشی دوردی
ظالیملرین قؤلون بوردی
تورکم .داداش سارابلییام

سوروشما سن .هارالیام
اؤرالییام   بؤرالییام
یالنیز بیل کی .یارالییام
تورکم . داداش سارابلییام

تورکه هاوار چیخان .منم
ظالیملری ییخان. منم
دؤست الینی سیخان .منم
تورکم . داداش  سارابلییام

هر یئره باخ .یاییلمیشام
تئهراندا تورک .ساییلمیشام
یاتمامیشام  آییلمیشام
تورکم . داداش سارابلییام

تربیزه قارداش .اؤلوروم
اردبیله .دیلداش اؤلوروم
اورمویا .یولداش اؤلوروم
تورکم . داداش سارابلییام

تعصوبدن آشیب داشان
تورک غنیمیلن ساواشان
آذربایجانا    یاراشان
تورکم . داداش سارابلییام

قؤرخونی قانماز اؤره گیم
فاشیسته یانماز اؤره گیم
قارداشی دانماز اؤره گیم
تورکم داداش سارابلییام

قؤرقود آتا . منیم آتام
قانیمی . تورپاغا ساتام
اینانما کی. اویام یاتام
تورکم . داداش سارابلییام

تورکیدی . آی جهان دیلیم
بو دور منه اینانج بیلیم
دیلیم اولا .دیلیم دیلیم
تورکم .داداش سارابلییام




















ا