آذربایجان ساراب قیصرق
قیصره + مئهریبان+ساراب+آذربایجان+تورک+ترک+قیصرق+قیصریه+Qeysere+Qeysereq+sarab+Türk+turk+Azerbaycaqn+Azerbayjjan+Qeyseriye

چؤرک، آزادلیق و ائرمنی مظالیمی

جمعه 24 بهمن 1393

+0 به یه ن
تاریخ : سه شنبه 15 اسفند 1391 | یازار : دوکتور جئری | گؤروشلر : 214
+15 بگـنمه

چؤرک، آزادلیق و ائرمنی مظالیمی

دوکتور جئری

آذربایجانین اورمو (اورمیه)، سلماس شهرلرینده چؤرکدن سؤز دوشنده ، " اوشاغا بوتون چؤرک وئرمزلر"  دئیه بیر مثل چکیلَر. اینانجا (عقیده یه)دؤنوشموش بو مثلین نئجه تؤرَندیگینی(جوره نمه سی) آغ ساققاللارین بیریندن سوروشدوم. درین بیر آخ چک‍‍‍‍‍‍‍یب دئدی:

- جیلولوقدا، ائرمنی قولدورلاری کندلرین بیرینه باسقین (هوجوم)ائدیرلر. خالق قورخودان، داها اؤنجه (قاباخدان)کندین مسجیدینه سیغینمیشدی(پناهلانمیشدیلار) . کندی بوش سانان (تصور ائلیین)ائرمنی لر، ائولری تالاماغا (غارت)قالخیشیرلار(باشلییرلار). بو آرادا مسجیدده بیر اوشاق چؤرکدن اؤترو (چؤره گه گؤره)آغلاماغا باشلاییر. هارادان یاریم پارچا چؤرک تاپیب اوشاغا وئریرلر آنجاق اوشاق  بوتون چؤرک ایسته یرک داها برکدن آغلاییر. سس باییرا (ائشیگه)چیخیر.  ائرمنی لر مسجیده آخیشیب(یوللانیرلار)  کندلیلری قورشون(گولله) یاغمورونا (یاغیشینا)توتورلار. بو اولایدان (حادیثه دن)جان قورتاران(نجات تاپان) بیر یارالی، سونرالار بو احوالاتی باشقالارینا(آیریلارینا) دانیشیب مثلین تمل(اصلی)داشینی قویور.

قوجانین سؤزلرینی دینله یه لی (ائشیده ائشیده)دوشونوردوم؛ گؤره سن اوشاقلیقدان یاریم چؤرگه اؤیرشدیگیمیزدن دیر، اوروپالیلار کیمی اقتصادی بونالیملاردا (بحرانلاردا) چومچه نی قابلامایا چالاراق اعتراض و دیلله(اعتیراض)نیشلریمیزی بیلدیرمیریک یوخسا بیر آیری ندنی وار؟ سونرا فیکریم تاریخ بویو آدی چؤرک ایله قوشا(بیر یرده)چکیلن آزادلیق قاورامینا(مفهومونا) گئتدی. دئییرلر،"آزادلیق چؤرک دئییل چؤرکدن واجیب دیر"؛بو سؤز دوزدور.آزادلیق چؤرک اولسایدی یاریمینا قانع اولماقلا باشیمیزی دولاندیرا بیلردیک آنجاق آزادلیق چؤرک دئییل و اونون اوچدن بیر، دؤرددن بیر طلبینده بئله جان قورخوسو وار!...




بؤلوم | حاقلاريميزه گؤره یازار : علی رادمهر (ذکرعلی قلعه گیر)

    0 باخیش





[ ]